Иван Яковлевич Яковлев ҫуралнăранпа 170 ҫул ҫитнĕ май республикăра пысӑк пӗлтерӗшлӗ культура мероприятисем чылай иртеҫҫӗ.

   Ака уйăхĕн 20-мĕшĕнче 5г класри «Шăпчăк» фольклор  ушкăн  Аслă  Вĕрентекенĕмĕре  халалланă Пĕтĕм тĕнчери «Чӑваш Ене мухтаса»   фестиваль-конкурса  хутшăнчĕ.  Фестиваль Чăваш наци библиотекинче иртрĕ.  Асăннă конкурсăн  тĕп тĕллевĕ – Тăван Енĕмĕрти наци культурине, халăх йăлисене упрасси тата  Иван Яковлевăн таса та ҫутӑ сӑнарне туллин уҫса парасси.

      Муркаш «Шăпчăкĕсем»  тĕрлĕ номинацире хутшăнса хăйсен ăсталăхне кăтартрĕç. «Юрлас тата кĕвĕ калас» номинацире Виктория Николаева (ертÿçи Смирнова В.В., концертмейстер - Аникин А.В)  1-мĕш вырăн йышăнчĕ. «Театр ăсталăхĕ» номинацире «Шăпчăксем» те малти вырăна тухма пултарчĕç, 1-мĕш степеньлĕ Лауреат ятне илчĕç. 

     Çакăн йышши  конкурса хутшăнса эпир ÿссе пыракан ăрăвăн Тăван Енĕмĕрĕн наци культурипе тата халăх йăлисемпе çыхăннă пĕлĕвĕн шайне ÿстеретпĕр. Унсăр пуçне ку ĕçре пултаруллă, пуçарулăх кăтартакан ачасене хавхалантаратпăр, малалла аталантаратпăр.